VOV4.K’ho - Mho òr (26/10), tàm hìu lơh broă Chính phủ, Thủ tướng Nguyễn Xuân Phúc bal mờ kuang bàng ala măt ờ uă bộ, gah lơh broă dà lơgar neh lơh broă mờ kuang bàng đơng lam 4 càr gơbàn hoàc huơr uă tài mìu càl dờng, dà cò lơh aniai pa do là càr Sơn La, Yên Bái, Hoà Bình mờ Thanh Hoá.

Ồng Nguyễn Xuân Phúc sồr pal rơcang niam wơl uă ngan bơh broă yal lài tus mờ broă đơng lam sơndră mờ tơmù hoàc huơr. Broă lài ngan tềng đăp măt là tơrgùm drơng gàr anih ơm làng bol, ring niam rài kis; gàr niam kơnòm bơsram in geh tus lòt bơsram mờ rơcang sơndră mờ kòp tê jê să di gơlan gơbàn geh.

Ală càr pal sền gròi nền nòn, drơng gàr ală hìu nhă gơbàn hoàc huơr uă, chơ\t cau, roh hìu, ba` lời gơbàn ơm tam cah is, [às sìl tài kal ke ir.

Ồng Nguyễn Xuân Phúc ring bal bè broă dong kờl phan sa ai làng bol gơbàn kal ke tàm ală càr do in.

Cau cih mờ yal tơng^t Ndong Brawl