VOV4.K’ho- Mho òr (01/10), tàm Hìu duh broă Chính phủ dê, ồng Nguyễn Xuân Phúc, Thủ tướng Chính phủ pơn jat tai đơng lam dơ\ pơrjum Chính phủ ờs mờng nhai 9.

                                Thủ tướng Nguyễn Xuân Phúc sồr ờ go\ di lời ờ tơl cau pơgru 

Thủ tướng đơs, cồng nha lơh sa dà lơgar lơh geh tàm 9 nhai do làm tơl mờ ală bơta, GDP gơguh 6,98%, là khà gơguh jơnhoa ngan rlau jơh kờp bơh nam 2011.

Ồng đơs là, tu\ do gam geh ală rềs àr bè tàm pơndrờm khà priă, Thủ tướng sồr Ngân hàng Dà lơgar đơng lam tàm pơndrờm khà priă ngac ngar rlau, ba` lơi uă ir phan mờ lơgar ndai; pơn jat tai jat sền broă gơlik geh tàm dunia, geh gùng dà broă lơh bơsong di tu\ nàng gàr priă cồng mờ tàm pơndrờm mờ khà priă, drà kă bro priă mờ lơgar ndai, pleh gơguh nisơna.

Tàm gah broă lơh bơto bơtê, yal jơnau gam gơkòl kờ` pal sền ngac, Thủ tướng đơs sùm: Nùs nhơm bal là kờp sền, bơyai lơh, rơndăp tăp sèng wơl ală anih hìu bơsram; tàm ntrờ`, rơndăp tăp sèng biên chế dipal, di tu\, jat bơta pal jat ờ go\ di lời ờ tơl cau pơgru, ngan là tàm tiah sar lơgar ngài, tiah kal ke.

Thủ tướng jàu Bộ trưởng Bộ Nội vụ in mhar ring bal mờ Bộ trưởng Bộ Giáo dục mờ Đào tào yal mhar gùng dà broă lơh loh làng, dờp broă lơh hợp đồng nàng bơsong broă cau pơgru jal mhar tu\ do. Thủ tướng kung sồr Bộ Giáo dục mờ Đào tạo geh gùng dà broă lơh loh làng, song dơ pă mờ geh sră măy pal niam ai kơnòm bơsram in.

                                                                    Cau mblàng Lơ Mu K’Yến