VOV4.K’ho- Drim òr 2/4, tềng đap bơta đơng lam bơh Thủ tướng Nguyễn Xuân Phúc, Chính phủ pơrjum ờs mờng nhai 3 nàng sền sơ wì broă lơh sa tàm nhai mờ 3 nhai bồ nam bơh nhai 1 tus nhai 3.

Tàm dơ\ pơrjum, đơs tus bàr pe broă mpồl bơtìan ờ suk tàm tơngai pa do bè broă lơh pin dờn bơrngơl gơla tàm hìu yàng phờk Ba Vàng (Quảng Ninh); broă tam lơh tam pờng tàm hìu bơsram tàm càr Hưng Yên mờ bàr pe tiah ndai, Thủ tướng sồr pal bơsong mhar ală broă lơh gơlik bơta ờ suk tàm mpồl bơtìan mờ tàm làng bol.

Đơs broă lơh sa mpồl bơtìan 3 nhai bồ nam 2019 bơh gùt lơgar, Thủ tướng Chính phủ đơs là, rài lơh sa kung gam geh cồng nha niam, GDP 3 nhai bồ nam gơguh uă, lơh geh 6,79%; lơh sa dờng kơ\ kơl jap.

Thủ tướng sồr bơsong kal ke tàm broă lơh suơn sre, bè kòp jê ndul gơ jroh sur châu Phi gơlik geh, kòp sồt mbùng gơtă nđias, jơnau trồ prang dờng soat dà tiah đah jum dà lơgar mờ Tây Nguyên, khà priă tăc phan lơh geh bơh suơn sre gơmù, ngan là ka tra, kòi sre, tiêu, điều, kơphê.

Thủ tướng kung sồr ală bộ gah sơnah lơh broă pal kơlôi sơnơng nàng geh gùng dà broă lơh pơn jat tai gơ hòi gơ jà bơcri priă bơh lơgar ndai, lơh geh bơta pràn ai broă lơh sa bơtàu tơnguh.

Cau mblàng K’ Hạnh