VOV4.K’ho- Thủ tướng Nguyễn Xuân Phúc neh sồr ală bộ, gah sơnah lơh broă dà lơgar mờ ală tiah tơrgùm bơsong ală tiah tơlar kềng gah dà lềng mờ sơndră wơl mờ jơnau El Nino. Ală tiah pal atbồ krà` broă jòi bràs tàm ală tiah kềng gah dà dờng, kềng dà lềng, geh bal gơ wèt mờ ală rơndăp broă lơh toah wàs nàng pleh lơh tơrlah.

Jat đơs lài, tơngai tus, El Nino geh gơrềng tus lơgar he, jơnau digơlan gơtìp trồ prang dờng, ngan là tàm tiah tàm gùl lơgar den tàng bè hơ\ pal geh gùng dà broă lơh đơng pơlam ngui dipal ală bơtơ\t tơnau dơng dà, hìu măy pờ tơlik ồs đèng nàng gàr niam ờdo ờdă. Rơcang lài dơng dà nàng rơcang sơndră trồ prang dờng, ngan là tàm lồi nam do mờ bồ nam tơnơ\.

Thủ tướng hơ dong kờl 800 tơmàn priă bơh bơnah priăp rơcang lài kes priă dà lơgar dê nam 2018 ai ală tiah tàm tiah tàm gùl lơgar in (bơh Nghệ An tus Bình Thuận) nàng bơsong ală anih tơrlah kềng gah dà lềng ngòt rơngơ\t ir, toah wàs mhar bàr pe nơm dà dờng gơtìp bồr tơ\p uă nàng gàr niam broă lòt rê bơh ơhò, plung dê.

Cau mblàng Lơ Mu K’Yến