VOV4.K’ho- Tơnơ\ mờ tu\ pa tus càr lơgar New Dehli lòt Pơrjum Kuang bàng dờng màng tơngkah 25 nam gi\t gơ\p lơh broă bal ASEAN- Ấn Độ, mho òr 24/1, ồng Nguyễn Xuân Phúc, Thủ tướng Chính phủ Việt Nam neh geh dơ\ tìp mat cribơyai broă mờ ồng Ram Nath Kovind, Kuang atbồ lơgar Ấn Độ.

Thủ tướng Chính phủ Việt Nam neh geh dơ\ tìp mat cribơyai broă mờ ồng Ram Nath Kovind, Kuang atbồ lơgar Ấn Độ

Bàr nă kuang bàng do neh đơs niam ngan bơta bơtàu tơnguh pràn ngan bơh bơta gi\t gơ\p lơh bơyô bal ờs mờng bơh yau mờ lơh broă bal uă bơta đah bàr lơgar, kuơmàng là kờp bơh tu\ bàr lơgar tơnguh bơta gi\t gơ\p tus Tam klac lơh broă bal jo\ jòng tơl làm đah Việt Nam mờ Ấn Độ tàm nhai 9/2016.

Ồng Nguyễn Xuân Phúc mờ ồng Ram Nath Kovind kung dùl nùs ring bal geh dong kờl ai bơta [ươn rlau ai broă lơh broă bal tàm gah lơh sa, kă bro mờ sồr geh ală broă lơh bơtàu tơnguh mhar nàng lơh geh jơnau kờ` ai priă geh bơh kă bro đah 2 lơgar gơguh tus 15 tơmàn dolar Mỹ tàm nam 2020, bal mờ broă Ấn Độ pơn jat tai dong Việt Nam bơto mpồl cau lơh broă geh bồ tơngoh jak, ai ală bơta dong kờl bơtàu tơnguh, ai càn priă ờ sa priă cồng uă tàm uă broă, mơkung pơgồp bal niam mờ dong kờl bal tàm ală mpồl uă lơgar, ngan là tàm Liên hợp quốc.

Kung dùl ngai bal, ồng Nguyễn Xuân Phúc neh geh dơ\ tìp mat cribơyai broă mờ Thủ tướng Ấn Độ, ồng Narendra Modi, mờ wa\ rò kuang bàng đơng lam bồ ală mpồl lơh sa kă bro dờng lơgar Ấn Độ dê.

Cau cih mờ yal tơngi\t- Lơ Mu K’Yến