VOV4.K’ho – Thủ tướng Chính phủ lơgar Lào ồng Thongloun Sisoulith lam bồ Mpồl kuang bàng dờng màng Chính phủ lơgar Lào còp lơgar Việt Nam bơh ngai 2 tus  ngai 6 nhai 10 nam 2017. Tơnơ\ dơ\ wă rò ngan ngồn, Thủ tướng Thongloun Sisoulith mờ Mpồl kuang bàng dờng màng Chính phủ lơgar Lào neh geh dơ\ tìp mat cribơyai broă mờ Thủ tướng Chính phủ Nguyễn Xuân Phúc.

2 gah ringbal pơnjat tai sơlơ mut lơh ală dơ\ lòt còp đah kuang đơng lam bồ dờng màng 2 lơgar; pơgồp bal mut lơh geh cồng nha ală jơnau ringbal neh ki\; tơr gùm mut lơh ală rơndap broă kuơ màng bè rơndap broă lơh hìu Quốc hội lơgar Lào; rơndap broă lơh gùng rơndeh ntoat rat Hà Nội – Viêng Chăn, ală rơndap broă bè lơh bal năng lượng mờ tơrbo\ gùng lòt pơndiang phan, ală broă lơh chul chồl tơnguh priă lơh geh bơh kă bro đah 2 lơgar, ai geh bơta [uơn nàng ală mpồl lơh sa kă bro Việt Nam bơcri priă tàm lơgar Lào; chul chồl tam klac tàm gah sền gàr dà lơgar, sền gàr ngap lơngai, bơto bơsram mờ ală gah broă lơh ndai.