VOV4.K’ho – Di tu\ tus bal Cribơyai dờng màng lơh broă bal dunia bè “Gùng pleh mờ gùng lòt” dơ\ 2 tàm Bắc Kinh, lơgar Lo, Thủ tướng Chính phủ, ồng Nguyễn Xuân Phúc neh tìp mat cribơyai broă mờ Thủ tướng lơgar Lo, ồng Lý Khắc Cường.

 Tàm dơ\ tìp mat cribơyai, Thủ tướng Nguyễn Xuân Phúc đơs niam ală cồng nha lơh broă bal niam ngan tàm ală gah broă lơh đah ală bộ, gah lơh broă, ală tiah bơh 2 lơgar dê tàm tơngai lài; đơs tờm Việt Nam sền dờng màng git gơp lơh broă bal kuơ màng tơl làm mờ lơgar Lo, mờ kơp kờ` chul chồl git gơp đah 2 lơgar ngai sơlơ bơtàu tơnguh kơ\ kơljap.

 Bè bơta tàm dà lềng, Thủ tướng sồr lơh jat niam jơnau git wă bal bơh Kuang đơng lam bồ dờng màng, “Jơnau ring bal bè ală kơrnuat pal jat kuơ màng đơng lam bơsong broă tàm dà lềng’, sền gròi niam bơta ờ ring bal, ờ geh broă lơh sơlơ lơh gơguh uă kal ke ală bơta gơlik geh; chul chồl ală cơ chế cribơyai tàm dà lềng lơh geh bơta bơtàu tơnguh ngan ngồn; lơh geh bơta tam gơl bè tam cah, đah git tiah hờ yờ` dà lềng đah tô dà lơgar tàm nam 2020; bơsong broă lơh ka mờ cau lơh ka jat nùs nhơm niam dong kờl cau; mhar ki\ Jơnau ring bal lơh broă bal jòi dong kờl rềs àr tàm dà lềng đah Việt Nam mờ Lo mờ tơn jo\ tơngai lơh jat jơnau ring bal bè gùng che điện thoại lơh broă sùm bè broă lơh ka tàm dà lềng; lơh jat tơl làm mờ geh cồng nha jơnau yal bơr DOC; lơh ngan chul chồl cribơyai nàng bơt bơtàu COC ngan ngồn, geh cồng nha, di mờ adat boh lam dunia nàng sền gàr ring lơngai, kơ\ kơljap tàm dà lềng đah mattơngai lik.