VOV4.K’ho- Mho òr (21/12), Thủ tướng Nguyễn Xuân Phúc neh tìp mat mờ jờng rơ Mpồl coh plai  cau klau dà lơgar Việt Nam tơnơ\ ală cồng nha lơh geh  gai lòng Biàng tàm AFF Suzuki Cup 2018.

Jờng rơ mờ đơs niam ngan Mpồl pơlam tàp, cau atbồ mpồl coh plai ồng Park Hang Seo mờ jơh bal ală cau coh plai neh tàm pơrlòng jơh nùs, jơh pràn, cèng wơl bơta jai pha mờ kuơ màng ngan ai dà lơgar in, Thủ tướng đơs tờm, cồng nha bơh Mpồl coh plai  cau klau dà lơgar Việt Nam tơnơ\ 10 nam kơ\p kơnờm là bơta tă pơgồp uă ngan tàm rài kis nùs nhơm bơh làng bol Việt Nam dê mờr 100 tơlak làng bol, lơh geh nùs nhơm chờ hờp tàm gùt làng bol tàm tu\ tơngai lồi nam; tă pơgồp dùl bơta niam ngan gơ wèt mờ bơta pin dờn tàm gùt làng bol tàm broă bơtàu tơnguh tàp pràn să jan bơh dà lơgar dê, tàm hơ\ geh bơta coh plai.

 Tàm dơ\ tìp mat, Thủ tướng Chính phủ Nguyễn Xuân Phúc neh jàu Huân chương g^t gơ\p lơh bơyô pà cau at bồ mpồl coh plai ồng Park Hang Seo in; Huân chương Lao động khà 1 pà mpồl coh plai  cau klau dà lơgar. Tiền đạo Nguyễn Quang Hải kung chờ hờp ngan geh dờp Huân chương Lao động khà 2 tài bơh ală bơta tă pơgồp bal kuơ màng ngan tàm cồng nha bal bơh mpồl coh plai dê.

Cau mblàng K’ Hạnh