VOV4.K’ho – Ngai òr (05/4), Di dơ\ lòt pơrjum kuang bàng dờng màng Ủy hội dà dờng Mekong dơ\ 3 tàm lơgar Campuchia, Thủ tướng Chính phủ Nguyễn Xuân Phúc neh tìp ala mat mpồl cau Campuchia jơi Việt Nam tàm càr Siem Reap, pà phan ờ uă hìu bơnhă rơ[ah, geh rài kis kal ke.

Đơs tàm dơ\ tìp mat, Thủ tướng sồr Tổng hội cau lơgar Campuchia jơi Việt Nam mờ ală tỉnh hội dong kờl, lam sồr nàng làng bol iang nùs, gàr kơ\ rài kis. Ală anih ala mat lơgar Việt Nam tàm lơgar Campuchia mờ ală cau lơh sa kă bro, mpồl lơh sa kă bro lơgar Việt Nam tàm lơgar Campuchia sùm lòt bal mờ làng bol, dong kờl ală tỉnh hội tàm tơl bơta bơh rài kis, pơgồp bơnah tơnguh bơngă, rùp să ai mpồl cau Campuchia jơi Việt Nam in.

Làng bol sền dờng màng adat boh lam lơgar Campuchia, bơtàu tơnguh nùs nhơm brồ guh is, lơh ngan brồ guh, sơrlèt gan kal ke, sền gàr dà đơs Việt Nam, bơta niam mờ chài rơgơi bơhìan yau bơh jơi bơtìan Việt Nam dê.

                                                               Cau cih mờ yal tơnggit K’Duẩn