VOV4.K’ho- Mho òr 12/10, Thủ tướng Chính phủ Nguyễn Xuân Phúc bal mờ mpồl kuang bàng ala mat lơgar Việt Nam neh rê tus Hà Nội, tơn jơh niam bơne\ broă tus bal Dơ\ tìp mat ală kuang đơng lam bồ ASEAN di dơ\ Pơrjum ờs mờng pah nam Kes priă Priă jền Dunia (IMF) mờ Ngân hàng Dunia (WB) tàm [òn dờng Bali, lơgar Indonesia dê, mờ còp, lơh broă tàm lơgar Indonesia bơh ngai 11-12/10.

Mìng tàm 2 ngai, Thủ tướng Nguyễn Xuân Phúc neh geh broă lơh broă bal mờ uă broă lơh kuơmàng. Tàm dơ\ tìp ală kuang đơng lam bồ ASEAN di dơ\ Pơrjum ờs mờng pah nam IMF - WB, ală kuang đơng lam bồ ASEAN mờ ală cau lam bồ ală mpồl Liên hợp quốc, IMF, WB neh cribơyai jơnau kơlôi sơnơng, pơlam gùng dà, mờ broă lơh sơlơ lơh broă bal, pơgồp bal đah ASEAN mờ Liên hợp quốc, IMF, WB tàm tu\ lơh jat ală jơnau kờ` bơtàu tơnguh kơ\ kơl jăp, bơh lơh jat geh cồng nha Broă rơndăp lơh tus nam 2030 bè Jơnau kờ` bơtàu tơnguh kơ\ kơl jăp mờ sơlơ tơnguh tai bơta tàm dong kờl bal đah Broă lơh do bal mờ Bơta sền sơnơng Mpồl bơtiàn ASEAN nam 2025.

Thủ tướng Nguyễn Xuân Phúc neh tus bal dơ\ sơnđờm mu\t Pơrjum ờs mờng pah nam IMF mờ WB bal mờ gơnoar broă là cau năc jà dờng màng bơh lơgar drơng lơh dê; tìp mat mờ bàr pe nă kuang đơng lam bồ ASEAN nàng cribơyai bè ală broă lơh dong lơh pràn bơta gi\t gơ\p lơh broă bal đah 2 gah.

Mho òr (12/10), Thủ tướng Nguyễn Xuân Phúc neh wă Kuang atbồ Kes priă Priă jền dunia (IMF) mò Christine Lagarde.

Tàm dơ\ wă, ồng Nguyễn Xuân Phúc neh đơs tòm ală cồng nha tơnguh bơtàu lơh sa mpồl bơtiàn lơgar Việt Nam dê tàm nam 2018, đơs tòm, Chính phủ pơn jăt tai chồl pràn broă bơ\t bơtàu lơh sa, tam gơl pa broă gơguh lơh sa, tơnguh uă cồng nha bơcri priă dà lơgar, tơnguh tiah kă bro mờ tơnguh bơtàu lơh sa cau 1 nă să lơh is, lam sồr pràn broă tam gơl pa broă bơceh pa broă lơh, tơnguh bơta pràn tus bal lơh jăt broă lơh sa mờ măy mo\k 4.0.

Ồng Nguyễn Xuân Phúc đơs niam IMF neh kờ` bal mờ ală gùng dà broă tơnguh bơtàu lơh sa mpồl bơtiàn lơgar Việt Nam dê, tus bal dong kờl bơto broă lơh mờ pơlam ai lơgar Việt Nam in ring niam lơh sa dờg, chồl pràn broă tơnguh lơh sa mờ gàr niam rài kis lơh sa mpồl bơtiàn; dan IMF pơn jăt tai tơnguh broă dong kờl bơto broă lơh, pơlam broă lơh lơgar Việt Nam in bè chồl pràn broă bơ\t bơtàu wơl lơh sa.

Thủ tướng Chính phủ Nguyễn Xuân Phúc neh tìp mat 2 đah mờ  Thủ tướng Campuchia Samdech Techo Hun Sen. Tàm dơ\ tìp mat, Thủ tướng Nguyễn Xuân Phúc dùl dơ\ tai chờ hờp bal mờ Chính phủ lơgar Campuchia mu\t lơh broă kơ\ kơl jăp tơnơ\ rlau dùl nhai crơng gơs, tơlik nùs nhơm pin dờn làng bol lơgar Campuchia geh pơn jat tai lơh geh ală cồng nha pa dờng rlau tai, pơgồp bơnah tơnguh jơnhoa gơnoar broă, bơngă bơh lơgar Campuchia dê tàm tiah do mờ tàm dunia.

Bàr đah dùl nùs bal pơn jat tai sơlơ lơh broă bal, ngan là tàm gah broă lơh sa- kă bro, geh ală broă lơh lơh gơlik bơta [ươn ai kă bro đah 2 lơgar in, tàm hơ\ sồr gờ` ki\ Hiệp định Kă bro tiah nhàr lơgar đah Việt Nam mờ Campuchia.

Thủ tướng Hun Sen đơs ngan, Chính phủ Campuchia geh pơn jat tai broă lơh hòi jà, lơh geh tơl ală bơta [ươn ai ală mpồl lơh sa kă bro lơgar Việt Nam dê gam bơcri priă lơh sa kă bro tàm lơgar Campuchia.

Cau mblàng Lơ Mu K’Yến mờ Ndong Brawl