VOV4.K’ho - Tàm nùs nhơm gùt lơgar chờ gờm nam pa mờ wă rò satềp Kỷ Hợi nam 2019, tàm [òn dờng Hải Phòng, Thủ tướng Nguyễn Xuân Phúc tus bal broă lơh “Satềp tơrgùm” mờ pà 200 pò phan ai công nhân, cau lơh broă geh rài kis kal ke tàm Công ty Cổ phần Cảng Hải Phòng.

Ồng Nguyễn Xuân Phúc sồr ală anih lơh broă geh gơnoar tàm [òn dờng Hải Phòng sền wơl, dong kờl ală cau geh sră dong kờl bơh dà lơgar, hìu nhă kal ke bè rơndeh, phan bơna, nùs nhơm kờ` ală cau ndrờm geh chờ satềp; lơh geh cồng nha, mùl màl broă satềp tơrgùm bal 2019 mờ Tổng Liên đoàn Lao động Việt Nam neh lam sồr.

Ồng Nguyễn Xuân Phúc sồr ală cấp, gah lơh broă bal mờ công nhân, cau lơh broă tàm [òn dờng do, tơnơ\ mờ tu\ chờ gờm nam pa, wă rò satềp pal tus mờ mờ broă lơh mờ nùs nhơm geh kơnòl uă, lơh jăt kơrnoăt lơh broă, tơriang tơriồng tàm broă lơh, pơgồp bal tàm broă lơh jăt kơnòl bơh công ty dê kung bè lơh jăt khà broă tơnguh bơtàu pràn nam 2019 bơh Chính phủ neh ai.

Cau mblàng Ndong Brawl