VOV4.K’ho – Pơn jat tai ală broă lơh tàm dơ\ tus còp ngan ngồn lơgar New Zealand, tàm [òn dờng Auckland, Thủ tướng Nguyễn Xuân Phúc tus bal Cribơyai mpồl lơh sa kă bro Việt Nam – New Zealand. Tàm dơ\ cribơyai, ală mpồl lơh sa kă bro đơs niam broă bơcri priă kă bro bơh lơgar Việt Nam dê tàm tơngai lài, bal mờ ală bơta bơtàu tơnguh niam ngan bè lơh sa mpồl bơtiàn. Mơkung đơs Việt Nam là tiah tus bơcri priă niam ngan.

Đơs tàm dơ\ cribơyai, Thủ tướng Nguyễn Xuân Phúc pà git, Chính phủ Việt Nam kung lơh ngan tàm broă lơh niam broă bơcri priă kă bro. Mờ tu\ do, Việt Nam ơm khà 4 tàm mpồl ASEAN bè broă bơcri priă kă bro, mơkung gam wèt tus ală khà tơl bơh OECD dê.

Thủ tướng đơs tờm, mpồl lơh sa kă bro New Zealand tus mờ Việt Nam ờ mìng tus mờ drà kă bro geh 100 tơlak nă cau, mờ gam tus mờ drà kă bro ASEAN geh 600 tơlak nă làng bol. Bal mờ bơta git gơp lơh broă bal đah Việt Nam – New Zealand ngai sơlơ geh rề ơnàng mờ wèt tus tơngkah 45 nam ngai crơng gơs git gơp lơh broă bal, Thủ tướng pà git, priă lơh geh bơh kă bro bơh 2 lơgar dê gơguh 3 dơ\ tàm 3 nam do mờ mờr 1 tơmàn đôlar Mỹ.

Thủ tướng kơp kờ`: ală mpồl lơh broă bal, ală mpồl lơh sa kă bro lơgar New Zealand dê cribơyai mờ mpồl lơh sa kă bro Việt Nam mờ bơta pa, hơ\ là ală bơta mờ Hiệp định lơh broă bal tơl làm mờ gơguh jak gùt Thái Bình Dương (CPTPP) mờ 2 lơgar là lơgar geh jơng mờ Hiệp định pa geh k^.

                                                            Cau cih mờ yal tơnggit K’Duẩn