VOV4.K’ho- Tàm Công viên Thống Nhất, Hà Nội, Thủ tướng Nguyễn Xuân Phúc tus bal lam lơh srơh “ Phan bơna Việt Nam lơh di nùs cau Việt Nam” mờ tơlik mat rơndeh dờng, rơndeh ma\y điện VinFast, ală phan bơna lam lài lơh jat srơh do.

Thủ tướng đơs là, do là dùl broă lơh dờng tài bơh “ bol he neh geh phan bơna niam sơn đan mat dà lơgar tờm”. Thủ tướng kơ\p kờ` ală mpồl lơh sa kă bro gùt lơgar mờ cau lơh sa kă bro dùl nă să is, lơh broă bal, hìu bơnhă bal bơcri priă khoa học công nghệ, kơlôi sơnơng drà kă bro nàng lơh di nùs mờr 100 tơlak nă làng bol mờ ală phan bơna niam, nàng drơng broă ngui sa pah ngai tàm lơgar, mờ drơng broă tăc phan mờ lơgar ndai.

Thủ tướng đơs niam ngan broă tàm dùl tơngai lyah ngan, Vingroup gơtùi lơh gơlik ròt rơndeh dờng, rơndeh ma\y điện sơn đan mat Việt Nam bơh bơta kơlôi sơnơng nền nòn mờ bơcri priă niam bơh tu\ mut lơh jat jơnau kờ` tơl khà dunia tus broă tăc phan bơna.

Thủ tướng sồr Phòng Thương mại mờ Công nghiệp Việt Nam, kuơ màng ngan là Bộ Công Thương mờ ală anih lơh broă dà lơgar geh gơ rềng bal pơgồp bal đơng lam mờ ală mpồl lơh sa kă bro mờ ală bộ, gah sơnah lơh broă geh gơ rềng bơyai lơh mut lơh niam, geh cồng nha broă lơh do. 

Cau mblàng K’ Hạnh