VOV4.K’ho- Drim òr 10/1, tàm Hà Nội, ồng Nguyễn Xuân Phúc, Thủ tướng Chính phủ neh tus bal Dơ\ pơrjum tơn jơh broă lơh lam sồr làng bol nam 2017 mờ yal kơnòl broă nam 2018.

Dùl tàm ală cồng nha kuơmàng tàm nam 2017 bơh jơh gùt gah lam sồr làng bol dê lơh geh, hơ\ là: sền dờng màng broă lơh mblàng yal, lam sồr làng bol tàm ală tu\ lơh broă lơh sa- mpồl bơtiàn; lam lơh jat niam gùng dà broă lơh sền gàr tơl niam rài kis mpồl bơtiàn, dong làng bol bơsong jơnau gơlời wơl bơh trồ tiah lơh aniai, kơ\ kơl jăp broă lơh sa mờ bè ờs wơl rài kis; lơh pràn lơh niam wơl sră nggal hành chính mờ lơh jat niam rlau kơrnoat làng bol lơh tờm tàm kơnă hơđơm.

Ồng Nguyễn Xuân Phúc đơs uă: Nam 2018, broă lơh tờm bơh gah do dê là “Nam lam sồr làng bol gơnoar atbồ”, kờ` pal bơsong bơta ờ niam, ờ đềt mềr mờ làng bol tàm tơngai lài; lơh jat niam broă wa\ làng bol, cribơyai, bơsong jơnau yal yă, bơsong jơnau kơ\p kờ` dipal bơh làng bol dê. Mơkung lơh niam broă yal tơngi\t jơnau, mblàng yal mờ lam sồr làng bol.

Cau cih mờ yal tơngi\t- Lơ Mu K’Yến mờ K’Hạnh