VOV4.K’ho- Drim ngai 9/2, di ngai 5 sa tềp, tàm Hà Nội, ồng Nguyễn Xuân Phúc, Thủ tướng Chính phủ neh tus bal Dơ\ bơyai lơh chờ Gò Đống Đa tơngkah kir sơnrai 230 nam tam lơh pha lin Ngọc Hồi- Đống Đa (1789-2019) mờ jàu sră săp sèng tiah tềl lời wơl dà lơgar dờng màng Gò Đống Đa.

Tơnơ\ dơ\ bơyai lơh lòt rò tơrnùng tùng bơtau Quang Trung, Thủ tướng Nguyễn Xuân Phúc lam bồ mpồl kuang bàng ala mat mờ uă ngan làng bol càr lơgar Hà Nội mờ năc lòt nhơl bơh tiah ngài tus chu `àng, pơdơng bơkàu kah wơl dà kơlhề dờng ngan bơh “Cau khin cha jak chài soh àu biài dê” bal mờ ală cau kuang ling, cau ling khin cha jak chài Tây Sơn.

Đơs tàm dơ\ bơyai lơh tơngkah kir sơnrai, ồng Nguyễn Đức Chung, Chủ tịch UBND [òn dờng Hà Nội pà gi\t, bồ sơnam pa gơklo\ gơcrà cồng nha lơh geh tàm nam Kỷ Dậu 1789 neh gơ lòt mu\t tàm jơnau kah yau jơi bơtiàn dê mờ nùs nhơm cau Việt Nam dê.

Hơ\ là dùl tàm ală bồ sơnam pa crih crài ngan rlau jơh, pơnrơ ngan ai bồ tơngoh khin cha jak chài in, ai bơta pràn bơh nùs nhơm tam klac dờng bơh jơi bơtiàn he dê, pơnrơ ai bơta pràn kis jak chài ngan, nùs nhơm kơ\ dơn, nùs nhơm khin cha mờ bơta bơceh pa uă ngan bơh jơi bơtiàn he dê.

Cau mblàng Lơ Mu K’Yến