VOV4.K’ho- Mho òr 11/1, tàm Hà Nội, Thủ tướng Nguyễn Xuân Phúc tus bal mờ cribơyai broă mờ ală kuang bàng tàm dơ\ Cribơyai Lơh sa Việt Nam nam 2018. Mờ tơngume “Gơguh tai lơh sa mhar mờ kơ\ kơl jăp: Ală bơta lòng mờ pràn chồl pa”, Cribơyai lơh sa Việt Nam dơ\ 2 bơh Mpồl lơh sa dà lơgar bơyai lơh tàm Hà Nội geh bơta tus bal bơh pơgăp 1500 nă kuang bàng là ală cau jak khà dùl dunia mờ Việt Nam tàm gah lơh sa

Đơs tàm dơ\ Cribơyai do, ồng Nguyễn Xuân Phúc pà gi\t, mờ gơguh tai lơh sa 6,81%, Việt Nam gơ wèt mpồl ală lơgar gơguh tai lơh sa jơnhoa ngan rlau jơh tàm châu Á mờ gùt plai ù. Việt Nam kung lơh pràn lơh tam gơl pa lơh sa, sơlơ loh làng song dơ pă mờ rơcang sơndră sa kuề sa kùa.

Tiah kă bro neh geh tam gơl uă ngan, tàm pơrlòng song niam, ring bal mờ ndrờm bal, bơh hơ\ lơh kơ\ kơl jăp bơta pin dờn bơh ală cau bơcri priă mờ ală mpồl lơh sa kă bro dê, lơh geh dùl nhơm kis pa ai rài lơh sa in.

Thủ tướng đơs là, do là cribơyai kuơmàng nàng ală kuang bàng in cribơyai, yal bè gùng dà broă lơh bè bơta gơlik geh lơh sa dờng mờ bơta geh ngan lơh sa Việt Nam dê; dan ală gùng dà broă lơh dong Chính phủ tă bơsong ală bơta kal ke mờ lơh geh ală pràn chồl nàng lơh geh jơnau kờ` neh ai tơlik.

Cau cih mờ yal tơngi\t- Lơ Mu K’Yến