VOV4.K’ho- Mho òr 11/12, ồng Nguyễn Xuân Phúc, Thủ tướng Chính phủ tus bal Pơrjum hòi jà bơcri priă càr Hoà Bình, sền go\ kuang đơng lam bồ càr jàu ală kơrnoat bơcri priă, ki\ hơ sră nggal cih kah bơcri priă mờ ală mpồl lơh sa kă bro bal mờ kờp jơh priă bơcri là 94.000 tơmàn priă.

Tàm dơ\ pơrjum, Thủ tướng tơngo\ nùs nhơm chờ hờp tu\ càr neh rơcang lài hòi jà ală cau bơcri priă, ală tập đoàn dờng bè FLC, VinGroup…mờ uă cau bơcri priă, mpồl lơh sa kă bro dờng ndai.

Kung bè uă tiah ndai sơl, Hoà Bình pal rơcang lài geh gùng dà broă lơh rơndăp tăp sèng wơl [òn làng bol ơm kis jat gùng dà tơrgùm jat mpồl nàng kờ` tơnguh cồng nha bơcri priă lơh phan bơna, kuơmàng gàr niam ờdo ờdă ai làng bol in tàm kàl mìu dà ko\ dà cò.

Mờ ală cau bơcri priă, Thủ tướng đơs loh, pal gơ jat bal bơr đơs mờ broă lơh. Thủ tướng kơ\p kờ` ală cau bơcri priă tơnguh uă kơnòl mpồl bơtiàn tàm broă bơcri priă, gàr niam tiah ơm kis.

Cau mblàng Lơ Mu K’Yến