VOV4.K’ho – Drim òr (15/5), tàm Hà Nội, Thủ tướng Nguyễn Xuân Phúc tus bal Pơrjum khoa học, công nghệ mờ tam gơl bơceh pa. Tàm pơrjum, ală cau jak chài, cau khoa học neh lơh loh gơnoar broă bơh khoa học, công nghệ mờ tam gơl bơceh pa dê, bè là dùl tơngume tờm kuơ màng ngan tàm bơtàu tơnguh lơh sa, mpồl bơtiàn; tam pà bal ală mờng chài bơh dunia dê, mơkung dan geh ală broă lơh, chính sách ngan ngồn ai lơgar Việt Nam in.

 Đơs pơn dut pơrjum, Thủ tướng Nguyễn Xuân Phúc đơs loh, tàm dunia, bồ tơngoh jak mờ bơceh pa là phan kuơ dilah sơlơ ngui den sơlơ bơtàu tơnguh, là bơta kuơ dờng màng ngan. Bơh công nghệ den hơ\ sồng bal mờ mpồl cau lơh broă dipal là bơta tờm ngan gơ rềng tus bơta bơtàu tơnguh tàm bơta jo\ tơngai, là bơta tờm ngan nàng lơh gơs tam gơl pa, sơr lèt gan bơta gơ ơm wơl bơh bơtàu tơnguh dê mơ dong lik klàs bơh dă priă lơh geh dimơ.

Thủ tướng sồr Bộ Khoa học mờ công nghệ mhar lơh gơs Chỉ thị sơlơ lơh pràn, dờp bơtàu tơnguh khoa học công nghệ mờ broă lơh tam gơl bơceh pa, tàm hơ\ geh kes priă bơtàu tơnguh khoa học công nghệ bơh mpồl lơh sa kă bro dê.

Cau mblàng K’Duẩn