VOV4.K’ho - Mho òr (14/01), tàm Dak Nông, Thủ tướng Nguyễn Xuân Phúc tus bal pơrjum mut lơh hòi jà bơcri pria\ tàm càr Dak Nông 2019. Mờ tơnggu me bơh dơ\ pơrjum la ‘’Dak Nông- Bơta pràn mờ tu\ gơtùi geh bơcri’’, dơ\ pơrjum neh gơ hòi geh pơgap di 1 rbô na\ cau kuang tus bal, tàm hơ\ geh  pơgap di 700 na\ cau bơcri. Do la  càr sơnrờp mờ Thủ tướng tus bal dơ\ pơrjum mut lơh hòi jà bơcri tàm nam do mờ bơta kơp kờ` gơ hòi ua\ cau bơcri dờng tus mờ Dak Nông, Tây Nguyên.

 Tam pà mờ ala\ kal ke gơbàn  bơh Tây Nguyên, mơya Thủ tướng  đơs la,  bơta pràn  bơtàu tơngguh bơh Dak Nông la dờng ngan. Den tàng,  Dak Nông kờ` pal sang bơta ờ khin cha  bơh bơta kal ke kan bơtàu tơngguh hala ờ bơtàu tơngguh bơh hơ\  nàng geh dùl sơnơng, bơta gơ  kờ` pràn ngan tàm bơcri bơtàu tơngguh. Broa\ gơ hòi  geh cau bơcri geh pơrya kuơ màng ngan nàng tơng kah 15 nam  crơng gơs càr Dak Nông. Mo tơn tàm dơ\ pơrjum do, UBND càr neh jào sra\ dờp bơcri bơh ala\ cau bơcri tus lơh sa mờ kờp khà pria\ di 2 rbô 600 tơmàn pria\, ala\ jơnau ring bal mờ  jơnau cih kah lơh broa\ bal bơcri kờp pria\ geh mờr 47 rbô tơmàn pria\.

Cau mblàng K’ Brọp