VOV4.K’ho- Mho òr, tàm Hà Nội, ồng Nguyễn Xuân Phúc Thủ tướng Chính phủ tus bal Pơrjum tơn jơh broă lơh priă jền Kes priă dà lơgar nam 2018 mờ lơh jat kơnòl broă priă jền kes priă Dà lơgar nam 2019.

Đơs đơng lam tàm dơ\ pơrjum, Thủ tướng sồr Bộ Tài chính geh bơta sac rwah, ală khà đo kờp mpồl lơh sa kă bro bè broă lơh jat kơrnoat boh lam nàng geh broă lơh bơsong ring bal, song dơ pă, loh làng. Dilah mpồl lơh sa kă bro lơi lơh jat niam kơrnoat boh lam den ờ duh pal tus sền swì, lùp sền lơh lơngah lơnga` mpồl lơh sa kă bro in.

Thủ tướng geh jơnau sồr ai gah in lơh ngan tă dia nam 2019 geh rlau 1,5 tơlak tơmàn; tă uă ir ơm tàm khà 3,5% GDP; gơmù khà tàm pơndrờm tă sùm gơmù gam pơgăp 63% kờp jơh tă ngui kes priă dà lơgar. Tềng đap măt, gah priă jền pal pơgồp bơnah dong lơh pràn rơndăp tăp sèng wơl rài lơh sa gơ jat bal mờ tam gơl broă lơh gơguh lơh sa cồng nha rlau.

Cau mblàng Lơ Mu K’Yến