VOV4.K’ho- Ngai òr (07/10), ồng Nguyễn Xuân Phúc, Thủ tướng Chính phủ mờ pơ ùr neh tus Tokyo, sơnđờm dơ\ lòt còp lơgar Nhờk mờ lòt Pơrjum Kấp Kuang bàng dờng màng lơh broă bal Mekong mờ Nhờk.

Do là dơ\ lòt còp dơ\ sơnrờp bơh ồng Nguyễn Xuân Phúc, Thủ tướng Chính phủ Việt Nam dê tus lơgar Nhờk tơnơ\ tu\ ồng Shinzo Abe, Thủ tướng lơgar Nhờk geh pồ lơh tai Thủ tướng tàm lồi nhai 9 pa do.

Ngai do 8/10, tơnơ\ dơ\ bơyai lơh wa\ rò ngan ngồn, bàr nă Thủ tướng geh dơ\ cribơyai mờ sền go\ bal dơ\ ki\ uă sră nggal lơh broă bal kuơmàng. Tàm dơ\ lòt còp 3 ngai, ồng Nguyễn Xuân Phúc, Thủ tướng Chính phủ geh tus bal dùl ròt ală dơ\ cribơyai mờ hòi jà kă bro, bơcri priă đah mpồl lơh sa kă bro 2 lơgar dê.

Tàm ngai hìng 9/10, ồng Nguyễn Xuân Phúc, Thủ tướng Chính phủ mờ ồng Shinzo Abe, Thủ tướng lơgar Nhờk bal mờ ală kuang đơng lam bồ bơh 4 lơgar Mekong ndai lòt Pơrjum Kấp Kuang bàng dờng màng Mekong mờ Nhờk.

Cau mblàng Lơ Mu K’Yến