VOV4.K’ho - Bơh ngai 22 tus 25 nhai 1, Thủ tướng Nguyễn Xuân Phúc lam bồ mpồl kuang bàng dờng màng lơgar Việt Nam tus pơrjum bè ờs cri bơyai lơh sa dunia (WEF) tàm Davos, lơgar Thuỵ Sỹ.

Pơrjum lơh sa dunia nam 2019 mờ tơngu me: “Gùt plai ù lơh jăt broă lơh sa mờ măi mo\k 4.0: Lơh go\ broă pơgồp bal gùt plai ù tàm rài lơh sa mờ măi mo\k 4.0”.

Bơta tòm cri bơyai bơh pơrjum là sền wơl broă gơrềng bal, bơta niam mờ cri bơyai broă lơh bal, cri bơyai kờ` bơsong ală broă ù tiah chính trị; sền wơl, chồl pràn broă lơh niam ală broă lơh gùt plai ù tu\ do kờ` gơdờp mờ bơta pa bè chính trị, lơh sa mờ mpồl bơtiàn; ai go\ ală kơrnoăt, broă lơh thể chế pa kờ` chồl pràn broă lơh bal gùt plai ù tàm ală gah broă…

Pơrjum cri bơyai broă lơh sa dunia là dùl broă lơh ờ geh bơta kuơ geh hìu lơh broă tòm tàm Davos, lơgar Thuỵ Sỹ, neh hòi jà ală lơgar tàm gùt dunia tus bal mờ broă kờ` lơh bal là bơsong ală broă geh kuơ tàm gùt dunia. Lơgar Việt Nam tus bal pơrjum cri bơyai lơh sa dunia tàm nam 1989, neh cèng wơl ai lơgar Việt Nam in ală bơta niam bơcri priă mờ tơnguh bơtàu.

Cau mblàng Ndong Brawl