VOV4.K’ho - Đơs tàm pơrjum dờng gùt lơgar mpồl cau bơsram dờng Việt Nam dơ\ 10, ngai òr (10/12), Thủ tướng Nguyễn Xuân Phúc sồr tơnkah cau bơsram dờng là cau mờng ală mpồl gơjra`, dră wơl jòi tơl bơta kờ` hòi jà, bơchồt.

Mùl màl neh geh cau bơsram dờng gơbàn ală mpồl dră wơl bơchồt, geh ală broă lơh tìs mờ adăt boh lam, lòt sơơ\u wơl mờ broă kờ` lơh, bơta niam kăc màng bơh Đảng mờ Dà lơgar dê.

Den tàng, pal sền gròi broă bơsram tàp nùs nhơm chính trị, ba` lời cau bơsram dờng ờ geh nùs nhơm niam kăc màng, kis ờ niam, kis ngài mờ bơhiàn niam bơne\ dà lơgar dê.

Ồng Nguyễn Xuân Phúc kung sồr tơnkah broă mpồl pal sền gròi tus mờ broă tơrgùm cau bơsram dờng tàm bơta pa, tu\ broă bơ\t bơtàu broă lơh sa mờ măy mo\k 4.0, ngui công nghệ niam pràn tàm broă tơrgùm ơruh pơnu gùt dunia, tàm hơ\ uă ngan là cau bơsram dờng Việt Nam tàm ală lơgar.

Ồng Nguyễn Xuân Phúc kung sồr ală hìu bơsram sền gròi mùl màl tus mờ broă cau bơsram dờng, geh bal broă phan bơna mờ nùs nhơm.

Cau mblàng Ndong Brawl