VOV4.K’ho - Tàm hìu lơh broa\ Chính phủ, Thủ tướng Nguyễn Xuân Phúc neh wa\ Bộ trưởng ngoại giao Hàn Quốc mò Kang Kyung-wha. Ồng Nguyễn Xuân Phúc neh jờng mờ đơs jơnhua broa\ lơgar Hàn Quốc mut lơh broa\ lơh wèt tus đah jum plai ù pa mờ broa\ lơh ngap lơnhgai, ờ do ờ da\, bơtàu tơngguh mờ sền Việt Nam la cau lơh broa\ kuơ màng tàm broa\ lơh hơ\. Ồng sồr 2 gah pơnjat tai geh tơngguh  lơh broa\ bal git gơp pin dờ` bơh broa\ sùm lơh la tam tìp, lơh broa\ bal dờng màng mờ ala\ kơna\, kơp kờ` pơnjat tai geh lơh ngan lơh broa\ bal lơh sa, ka\ bro, bơcri jat broa\ lơh drờm bal,  ờ do ờ da\, geh cồng nha, cèng wơl bơta kuơ 2 gah.

Ồng kung sồr nàng 2 gah geh ala\ broa\ lơh nàng lơh geh  khà pria\ ka bro 2 gah 100 tơmàn dollar tàm nam 2020. Bal mờ hơ\ la chul chồl ala\ broa\ lơh ka\ bro, bơsong kal ke bè sền  phan nàng dong  buơn bòai tus ala\ phan bơna  lơh sa suơn sre  chi brê phan tàm dà, plai chi bơh lơgar Việt Nam tàm drà ka\ bro lơgar Hàn Quốc tàm nam 2018. Đah lơgar Hàn Quốc kung kơp kờ` pria\ geh ka\ bro 2 lơgar geh 100 tơmàn dollar tàm nam 2020. Hàn Quốc kung geh lơh ngan sùm la cau bơcri lơgar cau lam bồ lài tàmViệt Nam.

                        Cau cih mờ yal tơnggit K’ Brọp