VOV4.K’ho- Drim òr (23/11), tìp mat mờ cau te\ khà tàm quận Lê Chân, Hải Phòng, Thủ tướng Nguyễn Xuân Phúc đơs là, sa kuề sa kùa gam là broă làng bol đơs uă ngan, lơh ờ suk ơm tàm nùs nhơm làng bol. Do là broă ờ niam pal geh đơs, pal geh gròi sền, mờ geh broă lơh bơsong kràn cê nàng làng bol in iang nùs.

Cau te\ khà kung đơs là, pơrjum dơ\ 6 bơh Quốc hội dê neh ai tơlik uă broă lơh pa, tàm hơ\ geh Adat Rcang sơn dră sa kuề sa kùa (tam gơl), dùl rơndap cih adat mờ làng bol kơ\p kờ` ngan, sền hơ\ là phan nàng lơh tơn jơh bơta ờ niam  bơta pin dờn tàm làng bol; broă lơh sơn dră mờ ală cau lơh tìs lơh geh uă cồng nha, ală broă kung gam gơlik geh kal ke bè broă ai càn priă sa priă cồng uă, ntung kơ`au, mờ dan Chính phủ, Thủ tướng sền gròi lơh glài nền.

Cih dờp jơnau đơs bơh cau te\ khà dê, Thủ tướng đơs tờm, gùng dà broă lơh bơt bơtàu mpồl bơtìan ờ do ờ dă ai làng bol in gam ờ hềt geh lơh pràn. Thủ tướng pà g^t, mờ bơta ntung kơ`au tàm ală tiah bal mờ mpồl lơh broă geh gơnoar pal lơh pràn srơh sền gàr lơngap lơngai dà lơgar, kơryan cau lơh tìs.

Cau mblàng K’ Hạnh