VOV4.K’ho – Drim òr (8/2), tàm hìu lơh broă Chính phủ, Thủ tướng Nguyễn Xuân Phúc wă ồng Cho Hyun Joon, Chủ tịch Tập đoàn Hyosung, lơgar Hàn Quốc. Thủ tướng Nguyễn Xuân Phúc đơs loh, Hyosung là dùl tàm ală cau bơcri priă lơgar Hàn Quốc dờng ngan rlau jơh tàm lơgar Việt Nam mờ uă rơndap broă kuơ màng tàm 3 tiah đah tô, đah tàm gùl mờ đah jum dà lơgar.

Ring bal mờ jơnau đơs bơh Kuang đơng lam Hyosung dê, Thủ tướng ai mhar bơyai lơh dùl cribơyai bơcri priă bơh lơgar Hàn Quốc dê tàm lơgar Việt Nam, đơs tờm Chính phủ Việt Nam sền gròi uă ngan, ai geh bơta [uơn mờ sền gròi lài tus bơtàu tơnguh tam klac bơcri priă, sền gròi ală mpồl lơh sa kă bro lơgar Hàn Quốc. Bơh nùs nhơm hơ\, Thủ tướng đơng lam ală bộ, sơnah lơh broă dà lơgar sền gròi, dong kờl nàng Hyosung bơcri priă kă bro geh cồng nha tàm lơgar Việt Nam. Thủ tướng sồr Hyosung tus bal lơh cổ đông kuơ màng bơh hìu mai\ lơh gơlik MBA lơgar Việt Nam dê, nàng pơ gồp bơnah lơh gơlik ală bơta MBA 500kV.

                 Cau cih mờ yal tơnggit K’Duẩn