VOV4.K’ho - Mho òr (04/12), tàm hìu lơh broă Chính phủ, wă Công tước tiah York-Kòn klao cau bơtau lơgar Anh Andrew, Thủ tướng Nguyễn Xuân Phúc kơ\p kờ` kòn klao cau bơtau lơgar Anh-do là cau sền gròi ngan tus mờ đah mu\t lơh broă, tam gơl bơceh pa, chồl pràn broă lơh bal bơh bàr gah tàm gah do.

Di tàm dơ\ bàr lơgar tơnkah 45 nam ngai crơng gơs broă lơh bal, ồng Nguyễn Xuân Phúc đơs tòm, lơgar Việt Nam sùm sền kuơ broă tơnguh lơh broă bal mờ lơgar Anh-do là lơgar geh gơnoar bal mờ bơngă kuơ màng tàm châu Âu mờ tàm dunia.

Đơs niam broă lơh bal kuơ màng bơh lơgar Việt Nam mờ lơgar Anh tàm tơngai do tơnguh bơtàu pràn kơl dang tàm ală gah broă: chính trị-lơh broă bal mờ lơgar ndai, kă bro mờ bơcri priă, sền gàr bơta lơngăp lơngai dà lơgar, bơto bơtê mờ bơsram, nhơl chờ…, ồng Nguyễn Xuân Phúc sồr bàr gah pơn jăt tai chồl pràn broă tam gơl mpồl kuang bàng dờng màng tàm tơngai tus.

Bàr gah pal gàr sùm cồng nha bơh ală cơ chế lơh broă bal bè cri bơyai broă lơh kuơ màng, pơrjum Uỷ ban lơh broă bal bè lơh sa bal mờ kă bro, kờ` ai broă lơh bal bơh bàr lơgar geh cồng nha mùl màl.

Cau mblàng Ndong Brawl