VOV4.K’ho - Mho òr (26/12), tàm hìu lơh broă Chính phủ, Thủ tướng Nguyễn Xuân Phúc wă Đại sứ lơgar Mỹ tàm lơgar Việt Nam, ồng Daniel J. Kritenbrink.

Ồng Nguyễn Xuân Phúc đơs niam broă lơh ngan bơh Đại sứ lơgar Mỹ nam 2018 tàm broă chồl pràn broă lơh bal tơl ală bơta bơh lơgar Việt Nam mờ lơgar Mỹ pơn jăt tai niam, di pal mờ bơta kuơ mùl màl bơh làng bol bàr lơgar, tài bơta lơngăp lơngai, lơh broă bal, tơnguh bơtàu tàm tiah do.

Ồng Nguyễn Xuân Phúc ưn ngài lơgar Mỹ neh ai bơta [uơn lơgar Việt Nam in tăc ờ uă bơta phan tus drà kă bro lơgar Mỹ bè ka tra, kati, kơnuh, plai chi…

Tàm nam 2019, ồng Nguyễn Xuân Phúc sồr bàr gah pơn jăt tai lơh broă bal nền nòn tàm ală gah broă lơh sa, kă bro, sền gàr bơta lơngăp lơngai dà lơgar mờ ală broă dunia kờ` wèt tus tơnkah 25 nam ngai lơh broă bal bè ờs bơh bàr lơgar dê.

Cau mblàng Ndong Brawl