VOV4.K’ho – Tàm hìu lơh broă Chính phủ, Thủ tướng Nguyễn Xuân Phúc wă ồng Park Hoong Ook, Kuang atbồ dờng Kong ti Công nghiệp kơn jơ\ Doosan Việt Nam (Doosan Vina). Thủ tướng jờng rơ Doosan Vina jơh nùs tus bal tàm broă lơh gàr tơl niam rài kis mpồl bơtiàn, bơto bơtê cau lơh broă ai lơgar Việt Nam in. Thủ tướng kơp kờ` Doosan Vina rề ơnàng broă lơh sa pràn rlau tai, tac uă phan bơna kuơ màng ai ală rơndap broă dờng in, tă pơ gồp tàm bơtàu tơnguh lơh sa mpồl bơtiàn bơh Việt Nam dê, tă pơ gồp chul chồl bơtàu tơnguh git gơp lơh broă bal uă gah đah Việt Nam mờ Hàn Quốc.

Ồng Park Hoong Ook đơs niam broă Chính phủ Việt Nam, Thủ tướng Chính phủ sùm iat ală jơnau đơs, bơsong kal ke ală mpồl lơh sa kă bro in. Doosan kơp kờ` geh uă bơta [uơn nàng tă pơ gồp tàm bơtàu tơnguh lơh sa mpồl bơtìan Việt Nam dê, ngan là tus bal ală rơndap broă lơh sa mờ mai\ mok, tơnguh khà rơndap broă tàm lơgar, pơ gồp bơnah tơnguh pràn jak ai gah cơ khí lơh gơlik bơh Việt Nam dê.

                Cau cih mờ yal tơnggit K’Duẩn