VOV4.K’ho - Tàm dơ\ tus còp mùl màl lơgar New Zealand, Thủ tướng Nguyễn Xuân Phúc neh wă kuang bàng đơng lam ờ uă tập đoàn lơh sa dờng lơgar do.

Wă kuang bàng đơng lam Ngân hàng Dự trữ New Zealand, ồng Nguyễn Xuân Phúc neh sồr Ngân hàng do chồl pràn broă lơh bal, tam pà broă mờng chài mờ Ngân hàng Dà lơgar Việt Nam tàm ală gah bè tam pà khà priă, bơ\t bơtàu ală broă lơh sa dờng, dong kờl bơto tơnguh bơta pràn lơh broă ai kuang bàng ngân hàng in.

Wă Tập đoàn Xây dựng Zuru, ồng Nguyễn Xuân Phúc đơs tòm, jơnau geh ai bơh rơndăp broă lơh bơh Tập đoàn do dê bè bơ\t bơtàu broă lơh hìu crăp ngui phan pa tàm lơgar Việt Nam là di pal mờ gùng dà hòi jà bơcri priă bơh Chính phủ lơgar Việt Nam dê; geh jào Bộ Kế hoạch mờ Đầu tư dong kờl Tập đoàn jòi anih di pal kờ` tơnguh bơtàu rơndăp broă lơh do.

Mờ hìu bơsram Đại học Công nghệ Auckland, ồng Nguyễn Xuân Phúc sồr hìu bơsram do sền gròi, ai tơl bơta niam mờr 400 nă cau bơsram dờng lơgar Việt Nam gam bơsram tàm hìu bơsram do; mờ đơs là, do geh là ală cau lơh gơnoar kuơ màng tàm broă tơnguh khà gal cau bơsram dờng lơgar Việt Nam dê tus bơsram tàm lơgar New Zealand, pơgồp bal tàm broă tơnguh broă tìp bal làng bol bơh 2 lơgar, kuơ màng là rơnàng  kơnòm să.

Cau cih mờ yal tơng^t Ndong Brawl