VOV4.K’ho - Dờp jơnau jà bơh Thủ tướng Nguyễn Xuân Phúc, kuang dong pơlam broă dà lơgar Myanmar, mò Daw Aung San Suu Kyi neh lam bồ mpồl kuang bàng ala măt dờng màng lơgar Myanmar còp mùl màl lơgar Việt Nam.

        Thủ tướng Nguyễn Xuân Phúc bal mờ mò Daw Aung San Suu Kyi, kuang dong pơlam broă dà lơgar Myanmar

Mho òr (19/4), dơ\ wă mò Daw Aung San Suu Kyi neh geh lơh tàm gơlang kuang atbồ lơgar. Tơnơ\ mờ dơ\ wă, ồng Nguyễn Xuân Phúc neh cri bơyai mờ mò Daw Aung San Suu Kyi.

Kuang đơng lam 2 lơgar hơ geh lơh niam rơlao tai broă kă bro, bơcri priă tàm tơngu me 2 gah geh kuơ bal; đơs tòm tơnguh broă lơh bal mờ jòi geh ală gùng dà broă lơh pa kờ` gờ` geh khà kă bro bal bơh 2 lơgar tus 1 tơmàn đôlar Mỹ mờ uă rơlao tai.

Bàr nă kuang đơng lam tơl^k nùs nhơm kơ\p kờ` pơn jăt tai tơnguh ală gah lơh broă bal kuơ màng ndan, tàm hơ\ geh gah priă jền, viễn thông, năng lượng, lơh sa suơn sre brê bơnơm, phan tàm dà, tìp bal làng bol; pơn jờng broă chồl pràn rơlao tai broă lơh bal tàm ală gah gùng lòt pơn diang phan, nhơl chờ, tư pháp, bơto bơtê, bơta chài rơgơi; ring bal kờ` k^ ală jơnau ring bal kờ` ai geh tơngu me adăt boh lam ai broă lơh bal tàm ală gah broă mùl màl…

Cau cih mờ yal tơng^t Ndong Brawl