VOV4.K’ho - Mho òr (27/2), tàm hìu lơh broă Chính phủ, Thủ tướng Nguyễn Xuân Phúc wă ồng Kevin McAllister, Phó Chủ tịch đơng lam Tập đoàn Boeing; Chủ tịch mờ là kuang atbồ Công ty rơndeh par pơn diang năc Boeing lơgar Mỹ.

Thủ tướng đơs niam ală gah rơndeh par lơgar Việt Nam pa k^ ală jơnau ring bal dờng mờ Boeing geh khà priă tus 21 tơmàn đôlar Mỹ. Thủ tướng sồr bàr gah pal lơh ngan tơnguh broă lơh bal pràn kơl dang rơlao tai, ờ mìng blơi, tăc rơndeh par mờ geh bal tàm gah broă kĩ thuật, lơh niam wơl, atbồ broă lơh gah rơndeh par…

Mho ngai bal, Thủ tướng wă Chủ tịch Tập đoàn HSBC lơgar Anh ồng Mark Tucker. Chờ gờm Ngân hàng HSBC geh uă broă bơcri priă geh cồng nha tàm lơgar Việt Nam.

Thủ tướng đơs tòm, Chính phủ lơgar Việt Nam geh lơh ngan đơng lam broă lơh sră nggal kờ` ring niam broă lơh sa dờng, tàm hơ\ uă ngan là gàr niam broă lơh priă jền.

Pà g^t uă gah broă tàm lơgar Việt Nam gam tơnguh bơtàu pràn bè hòi jà bơcri priă bơh lơgar bơdìh, gah rơndeh par… mờ khà tơnguh bơtàu niam, Thủ tướng kơ\p kờ` HSBC pờ ơnàng, tơnguh bơtàu tai ală gah broă kă bro pa tàm lơgar Việt Nam; chồl pràn ală anih lơh sa kă bro lơgar Anh mờ ală lơgar ndai tơnguh broă bơcri priă tàm lơgar Việt Nam.

Cau mblàng Ndong Brawl