VOV4.K’ho- Drim òr 30/5, tàm Hìu duh broă Chính phủ dê, ồng Nguyễn Xuân Phúc, Thủ tướng Chính phủ wa\ rò Giám đốc đơng lam mơkung là Chủ tịch Kes priă tiah ơm kis gùt plai ù (GEF), mò Nakao Ishii.

Đơs tàm dơ\ wa\ rò, ồng Nguyễn Xuân Phúc ưn ngài mò Nakao Ishii tàm gơnoar broă tu\ do mờ geh bal tàm ală gơnoar broă lài hơ\ neh sùm jơh nùs ngan dong kờl Việt Nam; ưn ngài Ban Thư ký GEF neh pin dờn, sac rwah Việt Nam lơh anih bơyai lơh Pơrjum dơ\ 6 bơh Đại hội đồng GEF dê, broă do tơngo\ bơta đơs niam ngan bơh GEF dê gơ wèt tus mờ Việt Nam mờ cơng tàng tơngo\ ai gơnoar broă, bơta tă pơgồp mờ ală jơnau hơ pơrgon bơh lơgar Việt Nam dê tàm broă tàm sơm băt tê bal mờ mpồl bơtiàn dunia bơsong ală bơta bè tiah ơm kis gùt plai ù.

Ồng Nguyễn Xuân Phúc đơs ngan, Việt Nam sền dờng màng ngan bơta tiah ơm kis tàm bơtàu tơnguh dà lơgar,   den tàng bè hơ\ Việt Nam kơ\p kờ` sơlơ lơh broă bal mờ GEF; kơ\p kờ` GEF dong kờl Việt Nam bơsong niam bơta tiah ơm kis.

Cau mblàng  Lơ Mu K’Yến