VOV4.K’ho - Mho òr (22/11), tàm Hìu lơh broa\ Chính phủ, Thủ tướng Nguyễn Xuân Phúc wa\ ồng Koichi Miyata, Chủ tịch tập đoàn pria\ jền Sumitomo Mitsui (SMFG) mờ la  Chủ tịch Ngân hàng Sumitomo Mitsui (SMBC) bơh lơgar Nhờk. Thủ tướng đơs jơnhua Ngân hàng SMBC neh tus bal ai rơndap pria\ tus ala\ broa\ lơh kuơ màng drơng bơtàu tơngguh lơh sa- mpồl bơtìan Việt Nam in, ta\ pơ gồp ngan ngồn, nền nòn tàm bơtàu tơngguh, lơh niam git gơp bơhìan mờ lơh broa\ bal bơh 2 lơgar.

Thủ tướng kơp kờ` SMBC pơnjat tai pờ ơnàng rlau tai broa\ lơh  bơcri tàm Việt Nam, tus bal  rlau tai tàm broa\ rơndap wơl ròt ngân hàng Việt Nam. Thủ tướng sồr,  SMFG mờ SMBC kờ` pal chồl guh bơnga\ la rbàng tơrbo\, mut lơh mờ ala\ mpồl lơh sa ka\ bro lơgar Nhờk tus bơcri lơh sa tàm Việt Nam, bơh hơ\ pơnjat tai pơ gồp bal kuơ màng tơngguh git gơp lơh broa\ bal niam bơne\, tơl làm  Việt Nam- Lơgar Nhờk.

Cau mblàng K’ Brọp