VOV4.K’ho- Kung tàm dơ̆ mut pơrjum dơ̆ 11, Quốc hội khóa 14 sơl, Thủ tướng Nguyễn Xuân Phúc neh yal Jơnau yal broă lơh tơngai bơh nam 2016 tus nam 2021 bơh Chính phủ dê. Mờ jơnau đơs “Chính phủ bơt bơtàu bơtàu tơnguh, song dơpă, lơh broă jơh nùs, drơng làng bol”, tơngai lơh broă do, Chính phủ, Thủ tướng Chính phủ neh tơrgùm đơng lam ală kấp, ală gah broă lơh lơh jat jơh nùs, ring bal, geh cồng nha ală jơnau kờñ, kơnòl broă, broă lơh ai tơlik tàm jơh ală gah.

Thủ tướng Nguyễn Xuân Phúc đơs nền, Chính phủ kơ̆ dơn jat jơnau kờñ kơ̆ kơljap lơh sa dờng, sền gròi bơta roh bơngă khà priă, gàr ală bơta ring bal dờng, lơh gơlik bơta ƀuơn chul chồl gơguh lơh sa, sền do là kơnòl broă tờm tàm broă đơng lam, pơlam. Kuơmàng, Chính phủ, Thủ tướng Chính phủ neh jơh nùs đơng lam lơh jat ring bal ală broă rơndap lơh, kơnòl broă tờm bơh Mpồl đơng lam dà lơgar dê bè rơcang sơndră sa kuề sa kuà. Bơsong uă broă gơlik geh, ai wơl khà uă priă jền mờ phan bơna; crơng gơs mpồl lơh broă kuơmàng nàng bơsong jơh uă jơnau yal yă, yal khài kal ke, jŏ jòng.

Cau mblàng K’Duẩn