VOV4.K’ho - Ngai òr (04/11), jăt jơ tàm tiah do, kung tàm dơ̆ tus còp mùl màl lơgar Tây, Thủ tướng Chính phủ ồng Phạm Minh Chính neh cri bơyai mờ Kuang atbồ lơgar Tây ồng Emmanuel Macron.

          Thủ tướng Chính phủ ồng Phạm Minh Chính mờ Kuang atbồ lơgar Tây ồng Emmanuel Macron

Tàm dơ̆ cri bơyai, bàr kuang đơng lam đơs tờm tus mờ broă pal tơnguh rơlao tai bơta tờm broă lơh sa, kă bro mờ bơcri priă tàm broă lơh git gơ̆p jŏ jòng đah lơgar Việt Nam mờ lơgar Tây, ring bal ală gùng dà mờ broă lơh bal tàm tơngai tus nàng ai tơl bơta rơlao tai broă tam gơl kă bro đah bàr lơgar, đong kờl ală mpồl lơh sa kă bro, phan kă bro bơh bàr lơgar mŭt tàm drà kă bro bal; ring bal chồl pràn ală rơndăp broă lơh bal tàm ală gah broă tờm bè gùng lòt pơn diang phan, broă bơ̆t bơtàu broă lơh, lơh sa suơn sre, tiah kis, năng lượng. Bàr gah ring bal lơh jăt mờ ngui geh cồng nha Hiệp định Kă bro khăt gơboh đah lơgar Việt Nam mờ Mpồl tam klăc châu Âu (EU) (EVFTA) mờ chồl pràn broă kĭ Hiệp định dong kờl bơcri priă đah lơgar Việt Nam mờ UE (EVFTA), ai geh bơta pràn ai lơh broă lơh sa, kă bro mờ bơcri priă đah lơgar Việt Nam mờ lơgar Tây bal mờ mpồl EU.

Cau mblàng Ndong Brawl