VOV4.K’ho - Tàm hìu lơh broă Chính phủ, Thủ tướng Chính phủ ồng Phạm Minh Chính neh cri bơyai tàm điện thoại mờ Thủ tướng lơgar Anh mờ đah tô Ailen ồng Boris Johnson.

Thủ tướng Chính phủ ồng Phạm Minh Chính cri bơyai tàm điện thoại mờ Thủ tướng lơgar Anh mờ đah tô Ailen

Tàm dơ̆ cri bơyai tàm điện thoại, bàr Thủ tướng chờ hờp bè ală broă tơnguh bơtàu pràn bơh broă lơh git gơ̆p jŏ jòng đah lơgar Việt Nam mờ lơgar Anh tàm tơngai pa do, ring bal pơn jăt tai pơgồp bal nền nòn nàng chồl pràn broă lơh jăt jơh ală gùng dà broă lơh bal bè chính trị-lơh broă bal mờ lơgar ndai, lơh sa-kă bro-bơcri priă, lơh broă bal tơnguh bơtàu, bơto bơtê mờ bơsram, khoa học-công nghệ, sền gàr bơta lơngăp lơngai dà lơgar, tìp bal làng bol. Bè broă lơh bal uă gah, bàr Thủ tướng tơlik nùs nhơm di pal bè broă lơh bal niam bơnĕ đah bàr lơgar tàm Hội đồng Bảo an Liên hợp quốc tàm tơngai lơgar Việt Nam lơh ủy viên ờ duh broă sùm (2020 tus 2021) mờ tàm pơrjum cri bơyai broă lơh sa bal châu Á mờ châu Âu (ASEM).

Cau mblàng Ndong Brawl