VOV4.K’ho- Mho ngai 23/4, tàm gơlang Kuang atbồ lơgar Bogor tàm càr lơgar Jakarta, lơgar Indonesia lài mờ tŭ tus bal pơrjum kuơmàng ală kuang đơng lam bồ mpồl ASEAN, Thủ tướng Phạm Minh Chính neh tus lùp còp Kuang atbồ lơgar Indonesia ồng Joko Widodo. Ồng Widodo jơh nùs wă rò mờ nting bơr gờm chờ Thủ tướng Phạm Minh Chính neh geh Quốc hội pin dờn pồ at gơnoar broă đơng lam bồ dờng ngan rlau jơh tàm Chính Phủ.

Thủ tướng Phạm Minh Chính đơs niam bơta lơh ngan bơh lơgar Indonesia dê tàm broă sơndră mờ kòp Covid-19 mờ pin dờn là, Indonesia geh sơrlèt gan ală kal ke; sền gròi niam kòp bơ tờp mờ bơtàu tơnguh lơh sa mpồl bơtiàn; wèt tus lam lơh ngan ngồn “Broă wèt sền Indonesia nam 2045”. Thủ tướng Phạm Minh Chính yal mờ ồng Widodo 2, 3 bơta dờng bè cồng nha pơrjum Đảng gùt lơgar dơ̆ 13 bơh lơgar Việt Nam dê, ală gùng dà tờm bơh broă rơndap lơh bơtàu tơnguh tơngai bơh nam 2021 tus nam 2025 mờ broă wèt sền bơh nam 2030 tus nam 2045 bơh lơgar Việt Nam dê.

Cau mblàng K’Duẩn