VOV4.K’ho - Ngai òr (14/11), di ngai cau pơgru Việt Nam (20/11), Thủ tướng Chính phủ ồng Phạm Minh Chính neh tìp măt ala măt cau pơgru, kuang bàng atbồ gah bơto bơtê mờ bơsram geh pơnrơ jăk.

Thủ tướng Chính phủ ồng Phạm Minh Chính tìp măt ala măt cau pơgru, kuang bàng atbồ gah bơto bơtê mờ bơsram geh pơnrơ jăk

Ala măt kuang đơng lam Đảng mờ Dà lơgar, Thủ tướng ồng Phạm Minh Chính tam pà ală kal ke, dờp mờ pơn jờng ală broă lơh ngan mờ cồng nha sơrlèt mờ kal ke bơh mpồl cau pơgru tàm gùt lơgar. Jăt Thủ tướng đơs, tŭ do, gùt lơgar he gam lơh jăt pràn ngan ală broă tam gơl pa tờm, tơl ală bơta mờ bơto bơtê nàng tơnguh bơta niam broă bơto bơtê tàm jơh ală cấp bơsram. Gùng dà broă lơh là: Ai kơnòm bơsram lơh tờm; sền kuơ broă tơnguh bơtàu bơta niam, nùs nhơm, bơceh pa bơh kơnòm bơsram. Tàm bơta kòp gơtờp, Chính phủ gam mờ geh bơsong gờñ ală broă tềng đăp măt nàng ai tơl bơta niam ai gah bơto bơtê mờ bơsram in gơdờp ờ do ờ dă, gròi sền geh cồng nha kòp gơtờp. Jăt mờ hơ̆, Chính phủ lơh jăt nùs nhơm ờ lời ală kơnòm bơsram, bơsram tàm internet jŏ ir; jào Bộ Giáo dục mờ Đào tạo, Bộ Y tế pơgồp bal mờ ală càr, ƀòn dờng geh gùng dà broă lơh nàng tơmù bơta do jăt broă lơh rơhời, mơya pal mhar, gàr niam ờ do ờ dă tàm broă tam dră mờ kòp gơtờp.

Cau mblàng Ndong Brawl