VOV4.K’ho - Tơnơ̆ mờ tŭ tus lơgar Anh nàng pơrjum dơ̆ 26 ală gah tus bal Công ước bơh Liên hợp quốc bè Tam gơl trồ tiah mờ còp lơh broă tàm lơgar Anh, Thủ tướng Chính phủ ồng Phạm Minh Chính neh tìp mờ Kuang atbồ tiah Scotland mò Nicola Sturgeon.

               Thủ tướng ồng Phạm Minh Chính tìp mờ Kuang atbồ tiah Scotland mò Nicola Sturgeon

Kuang atbồ tiah Scotland mò Nicola Sturgeon tơlik nùs nhơm pin dờn lơgar Việt Nam geh pơgồp bal tàm cồng nha bal bơh Pơrjum dê. Kuang atbồ tiah Scotland pơn jờng broă pơgồp bal kuơ màng bơh lơgar Việt Nam dê ai broă lơh ngan bal rơcang sơndră mờ tam gơl trồ tiah, mờ pà git Scotland neh hơ geh tơmù broă tơlik nhơm ƀơ̆ rê ờ 0 tàm nam 2045 mờ ƀòn dờng Glasgow, do là tiah geh bơyai lơh ală broă tàm pơrjum COP26, hơ geh tơmù nhơm tơlik rê hờ 0 tàm nam 2030. Thủ tướng ồng Phạm Minh Chính đơs niam broă tơnguh bơtàu broă lơh git gơ̆p đah lơgar Việt Nam mờ Scotland, tiah lơh sa tơnguh bơtàu dờng dơ̆ bàr lơgar Anh dê ờ mìng geh phan bơkah là ơlăk whisky pơnrơ ngan tàm dunia mờ gam geh uă bơta pràn bè tam gơl pa bơceh lơh, lơh sa số, priă jền-bảo hiểm, lơh nhơm jờu, tàm hơ̆ uă ngan là tơnguh bơtàu năng lượng lơh geh wơl.

Cau mblàng Ndong Brawl