VOV4.K’ho- Ngai 04/11, jăt jiơ tiah do dê, tàm dơ̆ lòt còp ngan ngồn lơgar Tây, Thủ tướng Chính phủ ồng Phạm Minh Chính neh wă rò Bí thư Gùt lơgar Đảng Cộng sản lơgar Tây ồng Pha-biêng Rút-xen. Tàm dơ̆ tìp măt, Thủ tướng Chính phủ ồng Phạm Minh Chính jờng rơ ngan ală broă lơh 2 gah ring bal nàng ai bơta gĭt gơ̆p bơtàu tơnguh jrô ơnàng làm uă mờ geh cồng nha rlau, ngan là tàm ală gah broă gam mpờl gŏ tŭ do tàm bơtàu tơnguh bơh jơh bal 2 lơgar dê.

Dơ̆ tìp măt đah Thủ tướng ồng Phạm Minh Chính mờ Bí thư Gùt lơgar Đảng Cộng sản lơgar Tây

Tơlik nùs nhơm tơngŏ bơta chờ hờp bè ală cồng nha lơh geh bơh Đảng Cộng sản lơgar Việt Nam dê tàm broă đơng lam dà lơgar mờ bè bơta gĭt gơ̆p Tam klăc lơh broă bal jŏ jòng đah bàr lơgar sùm geh lơh kơ̆ kơl jăp mờ bơtàu tơnguh, ông Pha-biêng Rút-xen pin dờn dơ̆ lòt còp dơ̆ do bơh Thủ tướng Việt Nam ồng Phạm Minh Chính dê geh lơh gơlik bơta gơn kơnờm ai bơta gĭt gơ̆p đah 2 lơgar in pơn jăt tai bơtàu tơnguh pràn kơldang tàm tơngai tus. Ală cau cộng sản Tây sùm dùl nùs bal mờ geh pơn jăt tai lơh ngan jơh pràn he dê nàng pơgồp bơnah sùm lơh kơ̆ kơl jăp bơta gĭt gơ̆p lơh broă bal niam bơnĕ đah bàr Đảng, bàr dà lơgar mờ làng bol bàr lơgar Việt Nam mờ Tây.

Cau mblàng Lơ Mu K’Yến