VOV4.K’ho – Tàm nùs nhơm gờm chờ 88 nam ngai crơng gơs Đoàn ơruh pơnu Cộng sản Hồ Chí Minh (26/3/1931 – 26/3/2019), tàm hìu lơh broă Chính phủ, Thủ tướng Nguyễn Xuân Phúc pa geh dơ\ lơh broă mờ Đoàn ơruh pơnu Cộng sản Hồ Chí Minh dà lơgar. Thủ tướng sồr Đoàn ơruh pơnu bơt bơtàu rùp đòm jat ơruh pơnu tàm tu\ tơngai pa mờ pràn jak, nùs nhơm, bồ tơngoh ngac ngar, lơh jat jơnau kờ` bơt bơtàu mờ sền gàr dà lơgar tàm tu\ tơngai mut gơ rờm bal dunia mờ bơta lòng bơh dà lơgar dê.

Tàm dơ\ lơh broă, Bí thư dơ\ 1 Đoàn dà lơgar, bi Lê Quốc Phong yal bè broă pơgồp bal lơh jat jơnau đơs pơn dut bơh Thủ tướng dê tàm dơ\ lơh broă nam 2018, tàm hơ\ geh broă sơlơ chồl pràn lam lơh rơndap brpă sơlơ bơto bơtê nùs nhơm kac màng, rài kis ai ơruh pơnu, kơnòm pa tàu mờ kơnòm dềt in, tơngai bơh nam 2015 tus nam 2020; bơcri bơtàu tơnguh mờ tơnguh bơta niam, cồng nha lơh broă ală hìu chài rơgơi ai ơruh pơnu, kơnòm pa tàu, kơnòm dềt in…

Đoàn dà lơgar neh rơcang lài lam lơh broă lơh bơto bơtê rơnàng cau kơnòm să, bè Nam cau kơnòm să bơceh pa; dơ\ lam sồr “Pah ngai dùl jơnau tơnggit niam, pah poh dùl jơnau yal niam”, cribơyai “Bơt bơtàu nùs nhơm bơyô đềt mềr – Đơs ờ mờ tam lah tam lơh tàm hìu bơsram…” Broă lơh dong kờl ơruh pơnu càn priă bơtàu tơnguh lơh sa, ai geh broă lơh kơ\ kơljap tàm [òn lơgar geh Đoàn dà lơgar sền gròi. Tu\ do jơngkah dồs bơh Đoàn dê bơh broă lơh jàu gơnoar mờ Ngân hàng chính sách xã hội là rlau 24 rbô 800 tơmàn priă mờ 9 broă lơh ai càn priă geh dong kờl priă cồng.

Đơs pơn dut dơ\ lơh broă, Thủ tướng Nguyễn Xuân Phúc đơs tờm bơngă kuơ màng bơh ơruh pơnu dê gơwèt mờ bơta bơtàu tơnguh bơh dà lơgar dê. Kuang đơng lam bồ Chính phủ mờ uă tiah neh sơlơ tìp mat, cribơyai mờ ơruh pơnu, iat jơnau kơp kờ` bơh ơruh pơnu dê, bơsong ală jơnau dan bơh mpồl lơh broă Đoàn dê. Đoàn ơruh pơnu neh lam lơh srơh sơn đờm mut lơh broă mờ uă broă lơh niam, gơ hòi gơ jà uă ơruh pơnu tus bal lơh broă tam gơl pa, bơceh pa, uă ơruh pơnu lơh geh cồng nha mờ ală jơnau bơceh pa.

Jờng rơ Đoàn dà lơgar neh đơng lam lơh jat jơh 6 kơnòl broă dờng, mơya Thủ tướng kung đơs ờ uă bơta gam ờ niam tàm broă pơgồp bal mờ ờ uă tiah, bộ, gah lơh broă ờ hềt krà` cê; broă lơh bơto bơtê rài kis ơruh pơnu, kơnòm pa tàu in lơh geh cồng nha ờ hềt uă; broă bơtàu tơnguh bơngă lam lài bơh ơruh pơnu dê gam ờ hềt niam…

Den tàng, Thủ tướng sồr kơnòl broă tàm tơngai tus gơwèt mờ Đoàn ơruh pơnu bè do: “Nùs nhơm là ală oh mi pal lơh jat broă lơh, jat gùng dà, jơnau đơng lam. Gùng dà broă lơh 1, broă rơndap lơh 10, broă lơh 20 den hơ\ sồng lơh geh cồng nha. Bol a` kung tơngkah ală oh mi pal sùm tam gơl pa broă lơh nàng gơ hời gơ jà đoàn viên ơruh pơnu uă rlau tai. Lơh bè lơi 1 nùs nhơm là ơruh pơnu pal geh bồ tơngoh jak, pal geh nùs nhơm. Tơl kấp, tơl gah broă lơh, tơl nă kuang bàng đơng lam bồ pal sền gròi tus ơruh pơnu mờ broă lơh đoàn, tus rơnàng cau kơnòm să tàm jơh bal bơta chài boh bơr, ai tơl bơta pràn dong kờl ơruh pơnu lơh jơh ờ uă kơnòl broă jal mhar”.

Thủ tướng kung đơs tus ờ uă bơta lòng gơwèt mờ ơruh pơnu, tàm hơ\ rài kis mạng xã hội geh uă mpồl ờ di nùs, gơbàn ờ niam, pơn dờm pơn jồ ơruh pơnu mờ uă jơnau yal ờ niam, blac pơr lồm, lơh aniai tus bơta pin dờn bơh ơruh pơnu dê. Thủ tướng geh ờ uă bơta bè, ơruh pơnu mờ rài kis mpồl bơtiàn, mờ niam chài, mờ rài lơh sa drà kă bro; ơruh pơnu pơgồp bal mờ kac màng công nghiệp 4.0; ơruh pơnu mờ tam gơl trồ tiah mờ tiah ơm kis, ơruh pơnu mờ jơnau sơn đờm mut lơh broă, tam gơl bơceh pa…

Thủ tướng sồr pal bơt bơtàu rùp đòm jat ơruh pơnu tàm tu\ tơngai pa mờ pràn jak, nùs  nhơm, bồ tơngoh jak, lơh jat jơnau kờ` bơt bơtàu mờ sền gàr dà lơgar tàm tu\ tơngai mut gơ rờm bal dunia mờ bơta lòng bơh dà lơgar dê. Ală mpồl lơh broă đoàn pal geh uă broă lơh niam, gơ hòi gơ jà ơruh pơnu tus bal ală srơh kac màng, ngan là tàm ală tiah kal ke, ai go\ loh bơngă lam lài “Tềng lơi kờ` den ơruh pơnu geh, tềng lơi kal ke den geh ơruh pơnu”.

Tàm dơ\ lơh broă, Thủ tướng ring bal mờ jơnau dan bơh Đoàn dà lơgar dê bè broă bơt bơtàu rơndap broă lam lơh tàm tơngai bơh nam 2020 tus nam 2030, geh :Rơndap broă bơto bơtê nùs nhơm kac màng, rài kis ai ơruh pơnu, kơnòm pa tàu, kơnòm dềt in tàm rài kis mạng xã hội mờ rơndap broă rơcang sơndră ma tuý tàm ơruh pơnu.

Thủ tướng kung ring bal mờ gùng dà broă lơh bơh Đoàn dà lơgar dê bè broă bơt bơtàu dùl trung tâm sơn đờm mut lơh broă ai ơruh pơnu in jat nùs nhơm gùt mpồl bơtiàn lơh bal, chul chồl nùs nhơm sơn đờm mut lơh broă tam gơl pa, bơceh pa tàm ơruh pơnu, mơkung jàu ờ uă bộ, gah lơh broă geh gơ rềng kơlôi sơnơng bơta pràn lam lơh ngan ngồn, yal mờ Thủ tướng in sền sơwì nàng geh kơrnuat.

                                                                 Cau mblàng K’Duẩn