VOV4.K’ho- Đơs pơn du\t pơrjum Chính phủ bè ờs nhai 4/2020 tàm mho ngai 5/5, Thủ tướng Nguyễn Xuân Phúc đơs ngan, mờ kơnòl broă tềng đap Đảng, tềng đap làng bol, bol he ờ gơ tùi dờp khà gơguh lơh sa ơm tàm khà 2,7% bè Kes priă priă jền dunia (IMF) dê yal lài mờ pal gơguh tai uă rlau 2 dơ\ mờ khà do dê.

Thủ tướng đơs ngan, pơn jat tai lơh jat jơnau kờ` dơ\ le\ bal mờ kung lơh jat broă lơh thoàr nàng sơlơ tơnguh lơh sa kă bro, ngan là gơ wèt mờ tiah drà dờng, ală tiah nhơl chờ.

Đơs sùm bơta kal ke uă 2 dơ\ den pal lơh ngan uă rlau 3 dơ\, Thủ tướng sồr tơr gùm dùl nùs dùl tồr bal tàm gah lơh sa kă bro mờ rcang sơn dră kòp; tờm ngan là lơh niam wơl mơ broă lơh sa kă bro, mhar rcang ală bơta kờ` pal geh, sơlơ tơnguh rài lơh sa gơguh wơl, bơtàu tơnguh pràn tơnơ\ dơ\ kòp. Thủ tướng đơs nền, do là tu\ tơngai niam nàng bol he in bơtàu tơnguh ală gah lơh sa drơng broă ala dà lơgar dê.

Cau mblàng K’ Hạnh