VOV4.K’ho- Dơ̆ pơrjum Chính phủ ờs mờng nhai 10 nam 2021 geh lơh tàm tŭ tơngai lơgar he tơnơ̆ tơngai lơh broă uă rơcang sơndră kòp dờng Covid-19 tàm dơ̆ bơtờp kòp dơ̆ 4, tus tŭ do, kòp neh gơtùi sền gròi. Lơh sa- mpồl bơiàn nhai 10 geh uă tam gơl niam, lơh sa bơtàu tơnguh wơl mờ geh uă bơtàu tơnguh tài neh tam gơl broă rơndap lơh bơh tơrgùm gơs tam jàu kấp tus kấp hơđơm in tàm broă lam lơh ală broă lơh sơnơm jat jơnau đơs gơ dờp ờdo ờdă, ngac ngar, gròi sền geh cồng nha kòp Covid-19.

Đơs pơn dut pơrjum, Thủ tướng Phạm Minh Chính sồr lơh jat gơ dờp ờdo ờdă, ngac ngar, gròi sền geh cồng nha kòp Covid-19 jat nùs nhơm gròi sền bơta aniai mờ chồl pràn bơtàu tơnguh wơl lơh sa, sền gàr rài kis mpồl bơtiàn. Tềng đap bơta lòng kòp bơtờp, Thủ tướng đơs là pal tơnguh mhar broă cit sơnơm vaccine, gàr ờdo ờdă, geh cồng nha, khoa học, bañ kwi kuơ, ngan là tơrgùm ai ală tiah tờm bè ală càr tiah đah mat tơngai mut dà lơgar in.

Cau mblàng K’Duẩn