VOV4.K’ho- Mho ngai 03/11, dơ̆ wă rò ngan ngồn Thủ tướng Chính phủ ồng Phạm Minh Chính bal mờ mpồl kuang bàng dờng màng lơgar Việt Nam lòt còp ngan ngồn lơgar Tây neh geh lơh tàm gơlăng Invalides tàm càr lơgar Paris. Tơnơ̆ dơ̆ rò ngan ngồn, Thủ tướng Chính phủ ồng Phạm Minh Chính neh tìp mat cribơyai broă mờ Chủ tịch Thượng viện lơgar Tây ồng Gérard Larcher. Chủ tịch Thượng viện lơgar Tây ai tơnggŏ bơta sền ngềr bè broă Việt Nam neh geh cồng nha ngan tàm broă tam gơl lơh sa, gàr sùm khà gơguh mhar, mơya kung gam gơtùi gàr sùm bơta niam chài he dê.

Thủ tướng Phạm Minh Chính đơs niam ală tă pơgồp kuơmàng ngan bơh anih lơh broă nghị viện 2 lơgar dê tàm broă gàr kơ̆ git gơp lơh broă bal uă gah đah Việt Nam mờ Tây. 2 gah kung neh cribơyai bè 2, 3 broă tàm ală lơgar rềp bal mờ dunia mờ jơh bal 2 gah sền gròi bal, tàm hơ̆ geh broă dà lềng đah mat tơngai lik mờ đơs nền ală lơgar pal tă pơgồp tàm broă sền gàr ring lơngai, kơ̆ kơljap mờ pas sơm. Tơnơ̆ hơ̆, Thủ tướng Phạm Minh Chính mờ Thủ tướng lơgar Tây ồng Jean Castex neh sền dơ̆ kĭ ală jơnau ring bal lơh broă bal đah ală anih lơh broă mờ mpồl lơh sa kă bro 2 lơgar.

Cau mblàng K’Duẩn