VOV4.K’ho - Ngai òr (05/05), tàm Hà Nội, Thủ tướng ồng Phạm Minh Chính neh đơng lam dơ̆ pơrjum Chính phủ bè ờs nhai 4 nam 2021. Do là pơrjum Chính phủ bè ờs sơnrờp ngan tơnơ̆ mờ tŭ Chính phủ pồ tơl kuang bàng. Tàm pơrjum Chính phủ bè ờs nhai 4 nam 2021, Chính phủ tơrgùm cri bơyai bè 8 tơngu me, tàm hơ̆ geh ờ uă broă geh pơnrơ ngan pa do tàm broă rơcang sơndră mờ kòp Covid-19 tŭ kòp gơtờp ngai sơlơ kal ke, gơbàn bơta ờ niam mờ ờ gĭt lài, uă tiah gơbàn ală cau gơtìp kòp tàm mpồl bơtiàn.

Bal mờ hơ̆, Chính phủ cri bơyai broă rơcang tĕ khà kuang bàng Quốc hội khoă 15 mờ kuang bàng Hội đồng Nhân dân (HĐND) ală cấp tơngai bơh nam 2021 tus 2026, gàr niam broă bơyai lơh geh cồng nha broă lơh chính trị kuơ màng tàm nhai do. Kung tàm pơrjum, Chính phủ geh iăt mờ cri bơyai bè broă lơh sa mpồl bơtiàn nhai 4 mờ 4 nhai bồ nam 2021 bal mờ ờ uă tơngu me kuơ màng ndai.

Cau mblàng Ndong Brawl