VOV4.K’ho- Ngai 13/5, Thủ tướng Chính phủ ồng Phạm Minh Chính lơh broă mờ ƀòn dờng Hồ Chí Minh bè broă lơh sa mpồl bơtiàn quý 1 nam 2021 mờ bơsong 2, 3 jơnau đơs, jơnau dan bơh ƀòn dờng dê.

Do là tiah sơn rờp mờ Thủ tướng Chính phủ lơh broă tơnơ̆ tŭ Chính phủ pồ tơl kuang bàng, ai gŏ bơta sền gròi uă ngan bơh Chính phủ dê gơwèt tus mờ bơta bơtàu tơnguh bơh ƀòn dờng Hồ Chí Minh dê. Kuang đơng lam bồ Ủy ban Nhân dân ƀòn dờng Hồ Chí Minh neh dan mờ Chính phủ, Thủ tướng Chính phủ 5 mpồl tơngume, geh: cih Nghị định pa, ala Nghị định sồ 93 bơh Chính phủ dê nàng kờñ tam gơl, bơtơl 2, 3 tơngume bè tam pà kấp, tam pà gơnoar ai ƀòn dờng Hồ Chí Minh in; tă bơsong kal ke, kòl yan tŭ lam lơh jat Nghị quyết sồ 54 bơh Quốc hội dê; bè bơcri priă, bơt bơtàu dà lơgar dimơ tơngai, bơh nam 2021 tus nam 2025; ală jơnau dan gơ rềng tus ƀòn dờng Thủ Đức bè cơ chế, broă lơh krơi is, bơt bơtàu phan bơna gơwèt tus mờ ƀòn dờng Thủ Đức; ală jơnau dan gơ rềng tus broă lơh atbồ tiah drà bơh ƀòn dờng Hồ Chí Minh dê.

Cau mblàng K’Duẩn