VOV4.K’ho- Đơs tàm dơ̆ tìp mat ală cau lơh sa kă bro geh pơn rơ gơguh jak di Ngai cau lơh sa kă bro Việt Nam (13/10) geh lơh drim ngai 12/10, Thủ tướng pơyua jơnau nting bơr tus ală mpồl lơh sa kă bro, mpồl cau lơh sa kă bro Việt Nam bơtàu tơnguh ngai sơlơ dờng pràn, pơn jat tai tă pơgồp uă rlau tai tàm broă lơh bơt bơtàu dà lơgar Việt Nam pràn kơldang,  pas sơm mờ kơp kờñ ală cau lơh sa kă bro pơn jat tai lòt bal mờ jơi bơtiàn, lơh ngan sơrlèt gan kal ke, kơryan gơtùi kòp bơtờp mờ lơh geh cồng nha tàm broă bơtàu tơnguh wơl, bơtàu tơnguh lơh sa mpồl bơtiàn, pơn jat tai cih pang kah yau pơn iờ să bơh cau lơh sa kă bro Việt Nam dê.

Thủ tướng Phạm Minh Chính dùl dơ̆ tai đơs nền gơnoar broă bơh mpồl cau lơh sa kă bro, mpồl lơh sa kă bro dê tàm broă bơtàu tơnguh dà lơgar. Đảng, dà lơgar sùm gròi sền mờ tơnguh niam gơnoar broă bơh mpồl cau lơh sa kă bro mờ ală mpồl lơh sa kă bro Việt Nam dê. Thủ tướng kơp kờñ tàm tơngai tus, ală mpồl lơh sa kă bro lòt bal mờ Chính phủ sơrlèt gan tŭ tơngai kal ke do nàng bơt bơtàu dà lơgar Việt Nam bơtàu tơnguh pràn kơldang, pas sơm.

Cau mblàng K’Duẩn