VOV4.K’ho- Di dơ̆ tus bal Pơrjum COP26, còp mờ lơh broă tàm lơgar Anh, Thủ tướng Phạm Minh Chính neh geh dơ̆ tìp mat mờ Tổng Thư ký Liên hợp quốc ồng Antonio Guterres. Tàm dơ̆ tìp mat, cribơyai broă mờ ồng Guterres bè ală gơ rềng, bơta aniai dờng ngan bơh tam gơl trồ tiah dê gơ wèt tus mờ Việt Nam, Thủ tướng đơs nền wơl dùl dơ̆ tai ală jơnau hơ pơrgon kràñ ngan bơh Việt nam dê tàm broă sơndră tam gơl trồ tiah.

Ồng Antonio Guterres đơs niam bơta tus bal bơh lơgar Việt Nam dê gơ wèt tus mờ ală broă dunia, tàm hơ̆ geh broă sơndră mờ tam gơl trồ tiah. Ồng Antonio Guterres đơs, tŭ lơi kung kờñ dong Việt Nam tàm broă tam gơl gơs rài lơh sa tơlir, tàm pơdar, bơtaù tơnguh năng lượng gơlik wơl, dong kờl Việt Nam mờ ală lơgar tàm tiah dà dờng Mekong bơsong ală broă tơrlah ù, dà hang mut aniai, tam gơl broă tam phan, ngui dà kơ̆ kơljap kờñ gàr tơl kòi phe.

Cau mblàng K’Duẩn