VOV4.K’ho- Tàm dơ̆ pơrjum COP26, Thủ tướng Chính phủ ồng Phạm Minh Chính neh geh dơ̆ tìp mat mờ Kuang atbồ lơgar Mỹ ồng Joe Biden, Kuang atbồ lơgar Hàn Quốc ồng Moon Jae-in, Thủ tướng Thái Lan ồng Prayuth Chan-Ocha, wă Chủ tịch mờ là Kuang atbồ đơng lam kes priă tiah ơm kis gùt plai ù. Tàm dơ̆ tìp mat mờ Kuang atbồ lơgar Mỹ ồng Joe Biden, Thủ tướng Phạm Minh Chính đơs niam broă ồng Biden sơlơ tơnguh git gơp lơh broă bal mờ Việt Nam mờ ală lơgar châu Á, đơs nền Việt Nam sền dờng màng git gơp mờ Mỹ mờ kơp kờñ bơtàu tơnguh git gơp ngai sơlơ geh cồng nha, làm jơh tàm ală bơta, kơ̆ kơljap.

Thủ tướng Phạm Minh Chính tàm pơrjum COP26

Ồng Joe Biden đơs niam bơta tus bal ngac ngar, rơcang lài, jơh nùs mờ jơnau hơ pơrgon pràn kơldang bơh lơgar Việt Nam dê tàm Pơrjum COP26. 2 nă kuang đơng lam bồ ring bal sơlơ tơnguh git gơp lơh broă bal tơl làm Việt Nam- Mỹ bơtàu tơnguh niam rlau tai, tàm hơ̆ geh lơh broă bal bè priă jền công nghệ nàng bơsong ală broă bè trồ tiah, ngan là lơh jat tơl làm ală cơ chế jat jơnau ring bal Paris, jờng rơ bơta tus bal bơh ală kong ti Mỹ dê tàm ală gah bơtàu tơnguh tơlir, bơtàu tơnguh kơ̆ kơljap tàm Việt Nam.

Cau mblàng K’Duẩn